अवरुद्ध सदन खुलाउनेबारे सभामुख घिमिरेले ओली र दाहालसँग छलफल गर्दै

काठमाडौँ-सभामुख देवराज घिमिरेले अवरुद्ध सदन खुलाउने सन्र्दभमा शनिवार पनि पहल गर्ने भएका छन्। शनिवार दिउँसो सत्तारुढ दुई दलका प्रमुखसँग छलफल गर्न लागेका हुन्।

प्रधानमन्त्री एवं माओवादी अध्यक्ष पुष्पकमल दाहाल‘प्रचण्ड’ र एमाले अध्यक्ष केपी शर्मा ओलीसँग संयुक्त छलफल तय भएको छ। भेट प्रधानमन्त्रीको सरकारी निवास बालुवाटारमा हुने भनिएको छ।

सभामुखले सदन खुलाउने बिषयमा दाहाल र ओलीसँग छलफल गर्न लागेका हुन्। गृहमन्त्री रवि लामिछाने मुछिएको सहकारी प्रकरणको संसदीय छानबिन समिति बनाएर अध्ययन गर्नुपर्ने भन्दै प्रमुख प्रतिपक्षी दल नेपाली कांग्रेसले लगातार सदन अवरुद्ध गर्दै आएको छ।